IL-LIBERTA' TA' L-INFORMAZZJONI
L-Att dwar il-ħelsien tal-informazzjoni
Persuni eliġibbli huma intitolati li jissottomettu talbiet għal Liberta’ tal-Informazzjoni (FOI) lid_Dipartiment tal-Kuntratti.
Sottomissjoni ta’ Talba / Ilment
Biex persuna tkun eliġibbli li tissottometti talbiet tal-FOI, trid tkun residenti f’Malta u tkun ilha hekk għal perjodu ta’ mill-inqas ħames snin. Dik il-persuna trid tkun ukoll jew ċittadin ta’ Malta jew ċittadin ta’ xi Stat membru ieħor tal-Unjoni Ewropea jew ċittadin ta’ xi Stat ieħor li ċ-ċittadini tiegħu għandhom dritt, bis-saħħa ta’ xi Trattat bejn dak l-istat u l-Unjoni Ewropea, li jiġu trattati f’ Malta bl-istess mod bħal ċittadini ta’ Stati membri tal-Unjoni Ewropea.
It-talbiet tal-FOI jew il-formoli tal-ilmenti jridu jiġu sottomessi bil-miktub, u jistgħu jintbagħtu bil-posta elettronika lill-[email protected] jew permezz tal-portal tal-FOI www.foi.gov.mt permezz tal-e-ID jew permezz tal-formola online.
Informazzjoni li Għandha Tingħata
Meta jissottomettu talba tal-FOI, applikanti huma meħtieġa, apparti li jipprovdu d-dettalji ta’ kuntatt, jagħtu indikazzjoni ta’ x’dokument / informazzjoni jeħtieġu. Għandhom jindikaw ukoll b’liema format jixtiequ li jirċievu d-dokument / informazzjoni, jiġifieri jekk hux kopja pprintjata, kopja elettronika, sommarju / silta tal-kontenut jew billi l-applikant jagħmel spezzjoni tad-dokument / informazzjoni in kwistjoni. Kopji tal-Karta tal-Identità jew tal-passaport u / jew dokumentazzjoni oħra, jistgħu jiġu mitluba mid-Dipartiment skont il-bżonn, f’każijiet ta’ talbiet relatati speċifikament ma’ individwi, assi / interessi / dritt tal-aċċess tal-individwi.
Tipi ta’ Talbiet
Essenzjalment, wieħed jista’ jitlob għal kwalunkwe oġġett li jinżamm mid-Dipartiment u li fuqu tkun ġiet irreġistrata informazzjoni fi kwalunkwe forma, inklużi data elettronika, immaġni, mudelli fuq skala u rappreżentazzjonijiet viżivi oħra, u reġistrazzjonijiet tal-awdjo jew tal-vidjo, irrispettivament minn jekk l-informazzjoni tistax tinqara, tintlemaħ, tinstema’ jew tiġi rkuprata bl-għajnuna ta’ kwalunkwe oġġett jew apparat ieħor jew mingħajru. Wieħed jista’ jitlob ukoll dokumentazzjoni li jkun fiha policies, prinċipji, regoli jew linji gwida skont liema deċiżjonijiet jew rakkomandazzjonijiet isiru fir’-rigward ta’ membri tal-pubbliku (inklużi korpi korporattivi u impjegati tad-Dipartiment fil-kapaċita personali tagħhom). Barra minn hekk, il-persuni eliġibbli għandhom id-dritt li jitolbu informazzjoni (fil-forma ta’ dikjarazzjoni bil-miktub) dwar deċiżjoni jew rakkomandazzjoni magħmula fir-rigward tagħhom jew fir-rigward ta’ korp ġuridiku li huma jirrappreżentaw.
Rikonoxximenti
Talbiet tal-FOI se tintbagħtilhom riċevuta mingħand id-Dipartiment. L-irċevuta se tinkludi numru ta’ referenza uniku u indikazzjoni tad-data meta se tingħata tweġiba. L-irċevuti se jinkludu wkoll informazzjoni speċifika relatata mad-Dipartiment, bħal indirizz, numru tat-telefon, indirizzi elettroniċi, ħinijiet tal-ftuħ u dettalji tal-proċedura interna tal-ilmenti.
Kontroll li Jrid Isir mid-Dipartiment tal-Kuntratti
Talbiet tal-FOI se tintbagħtilhom riċevuta mingħand id-Dipartiment. L-irċevuta se tinkludi numru ta’ referenza uniku u indikazzjoni tad-data meta se tingħata tweġiba. L-irċevuti se jinkludu wkoll informazzjoni speċifika relatata mad-Dipartiment, bħal indirizz, numru tat-telefon, indirizzi elettroniċi, ħinijiet tal-ftuħ u dettalji tal-proċedura interna tal-ilmenti.
Id-Dipartiment se jivverifika wkoll jekk id-dokument / informazzjoni mitluba jinżammx għandu. Jekk dan ma jkunx il-każ din id-Dipartiment tfittex li tidentifika l-entita’ xierqa lil min għandha tiġi sottomessa t-talba u tittrasferixxi tali applikazzjoni kif xieraq (tinforma lill-applikant fil-proċess). Jekk ma tiġix identifikata l-ebda entita’ alternattiva (li jfisser li d-dokument / informazzjoni ma tistax tiġi rintraċċata fl-ebda Awtorita’ Pubblika) l-applikant jiġi mgħarraf b’dan.
Ipproċessar ta’ Talba
Ladarba tistabbilixxi li talba tkun talba tal-FOI u tkun tista’ tiġi indirizzata mit-tmiem tagħha, id-Dipartiment jtiddetermina jekk tistax jipprovdi lill-applikant bid-dokument / informazzjoni mitluba (sħiħa jew parzjali) jew jekk hijiex se tirrifjuta t-talba. Qabel ma jieħu deċiżjoni f’dan ir-rigward, id-Dipartiment għandu jikkonsidra jekk japplikax xi waħda mill-eżenzjonijiet elenkati fl-Att dwar l-FOI. Id-Dipartiment se jissottometti notifika dwar jekk it-talba hix se tintlaqa’ jew le fi żmien 20 ġurnata tax-xogħol minn meta tasal. Estensjoni addizzjonali ta’ 20 jum tax-xogħol tista’ tiġi applikata aktar, u b’hekk it-total jitla’ għal massimu ta’ 40 jum ta’ xogħol mid-data tal-wasla tat-talba oriġinali.
Ħlasijiet
Meta jissottometti risposta lill-applikant, id–Dipartiment għandu jindika jekk japplikawx xi tariffi. Jekk applikabbli, dawn it-tariffi għandhom ikopru biss l-ispejjeż relatati mat-tqegħid għad-dispożizzjoni ta’ dokument lill-applikant, jiġifieri s-sigħat tal-ipproċessar, l-ispejjeż tal-fotokopji / faksis u l-midja diġitali u l-ispejjeż relatati mal-ispezzjonijiet. Minkejja dan ta’ hawn fuq, it-tariffa totali applikabbli m’għandux jaqbeż €40. Ma jista’ jsir l-ebda tariffa addizzjonali għas-sottomissjoni ta’ applikazzjonijiet jew ilmenti.
L-applikazzjoni tat-tariffi hija regolata minn LN 158 ta’ 2010.
Azzjoni ta’ Rimedju
Jekk l-applikant ma jkunx sodisfatt bit-tweġiba mogħtija mid-Dipartiment fir-rigward tat-talba tiegħu, l-applikant huwa intitolat li jressaq ilment lill-istess Dipartiment. Jekk, sussegwentement, l-applikant jibqa’ mhux sodisfatt bir-risposta li jirċievi, huwa jista’ jressaq appell quddiem il-Kummissarju għall-Informazzjoni u l-Protezzjoni tad-Data (IDPC). Jekk l-applikant jibqa’ mhux sodisfatt bl-eżitu tal-appell huwa jista’ jappella quddiem it-Tribunal għall-Informazzjoni u l-Protezzjoni tad-data u, sussegwentement, quddiem il-Qorti tal-Appell. L-ilmenti jistgħu jitressqu għar-raġunijiet li ġejjin:
– Id-Dipartiment japplikat estensjoni għall-iskadenza ta’ 20 jum tax-xogħol;
– Id-Dipartiment jimponi tariffa meqjusa eċċessiva;
– Id-dokument ma jkunx qed jiġi pprovdut fil-format mitlub; u
– It-talba qed tiġi rrifjutata (pereżempju għal talba li ma titqiesx bħala talba FOI)
– Id-Dipartiment ma jirrispettax l-iskadenza ta’ 20 jum tax-xogħol (jew l-iskadenza indikata fin-notifika ta’ estensjoni, jekk applikabbli) għas-sottomissjoni ta’ tweġiba.
L-applikanti jistgħu jressqu lment permezz tal-websajt tal-IDPC.
Ir-Riċeviment ta’ Dokumentazzjoni / Informazzjoni
Kull meta d-Dipartiment jikkomunika deċiżjoni lill-applikant li jingħata aċċess għal dokument / informazzjoni, l-applikant għandu wkoll jiġi mistieden iħallas il-miżati (jekk applikabbli). Fi żmien 10 t’ijiem tax-xogħol wara l-ħlas, id-Dipartiment jipprovdi d-dokument / informazzjoni fl-istess format li l-applikant kien talab oriġinarjament jew, jekk dan ma jkunx possibbli, fi kwalunkwe format ieħor meqjus xieraq mid-Dipartiment. Applikanti li jissottomettu talbiet permezz tal-portal FOI (www.foi.gov.mt/) jistgħu jiġu pprovduti li jistgħu jniżżlu d-dokument / informazzjoni direttament mis-sit.
Jekk ma tiġi imposta l-ebda tariffa, id-dokument / l-informazzjoni se jiġu pprovduti fi żmien 10 t’ijiem tax-xogħol wara n-notifika. It-talba għandha titqies li ġiet abbandunata mill-applikant jekk il-ħlas ma jsirx fi żmien 20 jum tax-xogħol wara n-notifika.
Informazzjoni pprovduta skont l-Artikolu 17 tal-Att dwar il-ħelsien tal-informazzjoni tinsab fis-sit elettroniku ta’ hawn fuq jew billi tikkuntattja lill-Principal Freedom of Information Officer, Dipartiment tal-Kuntratti, Ravelin ta’ Notre Dame, FURJANA FRN 1601.
Is-Sit tal-Liberta’ ta’ l-Informazzjoni 