FAQs
Biex tagħmel talba għall-informazzjoni taħt l-Att ta’ l-FOI, ikollok bżonn timla l-formola neċessarja. Din il-formola tista’ tiġi aċċessata billi tikklikkja hawn. Ladarba timtela l-formola, din għandha tiġi sottomessa online permezz tal-istess portal. Din it-talba tasal għand l-Uffiċjal FOI tad-Dipartiment.
L-informazzjoni, jekk tkun disponibbli u mhux eżentata skont l-Att, tintbagħat jew permezz ta’ email, li tkun disponibbli fuq midja ottika jew kopja stampata.
Id-Dipartiment tal-kuntratti għandu indirizz elettroniku apposta u dan huwa [email protected]. Madankollu, l-ebda talba għal informazzjoni m’għandha tintbagħat permezz ta’ dan l-indirizz. Jekk wieħed jissottometti talba għall-informazzjoni permezz ta’ dan l-indirizz elettroniku, dawn jiġu kkuntattjati lura permezz ta’ email ta’ tweġiba b’istruzzjonijiet biex it-talba tiġi sottomessa permezz tal-formola online tal-FOI, li tista’ tinstab hawn.
L-indirizz elettroniku jista’ jintuża biex tikkuntattja lid-Dipartiment biex tiċċekkja f’liema stadju tinsab it-talba li ssottomettejt. Meta tagħmel dan, ġentilment ikkwota n-Numru ta’ Referenza li ngħatajt mis-Sistema tal-FOI, meta għamilt is-sottomissjoni online tiegħek. Jekk ma tipprovdix in-numru ta’ refenza, dan ifixkel il-proċess biex tingħata tweġiba fil-pront.